بسم الله الرحمن الرحيم
شكى قلبي من عنادك وطول الصد والهجران
وياليتك شعرت بلوعة اشواقي واحساسي
كذا تبعد تتركني متيم في الهوى ولهان
كذا تقسى علي وتغيب عني يا بعد ناسي
رسول الشوق نادى لك حبيبي لا تصم لاذان
ابي تسمع صدى صوتي وتقتل بالامل يأسي
ابي لطفك يرافقني دوما مو بعض الاحيان
ابي ارفع حبيبي فيك مابين الملا راسي
رسمتك لوحه(ن) في خافقي تزهى بك الالوان
كتبتك لين مل من لون حبري وجه قرطاسي
يعين الله كم هي صعبه الفرقا على الانسان
يعيش العمر في حسره كبيره دوم و يقاسي
ملكت الروح يا خلي وعشت بداخل الوجدان
لك لله صرت لي اقرب الى نفسي من انفاسي
يمر الوقت لكن لا طريقه لي الى النسيان
نسيت انساك لا تعجب لاني اذكرك ناسي
هويتك والهوى ما يرتوي من نبعة العطشان
شربت من الوله لي اشتكى من شفقتي كاسي
شكرا للمتابعة
سندريلا
